Mahalin mo Ulit Ang Sarili mo By Brain Power 2177
Bakit ba palagi mong iniisip na hindi mo deserve maging masaya? Bakit ba mababa lang ang tingin mo sa sarili mo? Ano ba talaga ang problema mo? Kailan mo ba mapagtanto na nilalang ka ng Diyos upang mabuhay na puno ng pagmamahal? Kailan ka ba titigil sa pag-iisip na "LESS THAN" ka lang? Alam mo, MAHIGIT ka pa sa problema mo. MAHIGIT ka pa sa mga taong manloloko. Ano ba ang pinanghihinayangan mo? Kailan mo ba bibitawan ang mapait na nakaraan? Kailan ka ba mamuhay ng maayos? Bakit mo pinababa ang iyong mga pamantayan? Kailan mo ba bibitbitin ang pangarap mo? Kailan mo ba tutuldukan ang lahat ng ito?
Talagang ikaw ay natatangi at perpekto. Talagang maganda at kamangha-mangha ka. Bakit hindi mo ipapakita 'yon sa mga tao? Bakit hinayaan mo lang sila na saktan ka? Nakalimutan mo ba na hindi ka trapo? Nakalimutan mo ba na ang lahat ng pangit na nangyari sa nakaraan mo ay kailangang manatili lang doon? Hindi mo 'yon pwedeng dalhin dito ngayon. Wala ka na sa nakaraan mo. Ang mga bagay mula sa nakaraan ay nagpapalakas sa 'yo at nagturo sa 'yo sa tamang tao o landas. Nalimutan mo ba 'yon? Ang mga tao na tinatrato kang "LESS THAN", bakit 'di mo sila kayang bitawan? Bakit nakikipag kaibigan ka pa rin sa kanila? Hindi sila nararapat sa 'yo. Hindi nila nakikita ang iyong kadakilaan at nais nilang panatilihin ang pagka-average mo. Hindi nila gustong maangatan mo sila. Gustung-gusto nilang punitin ka upang manatili ka lang sa ganyang buhay. Gusto mo lang bang average ka na lang palagi? Ayaw mo ba ng "MORE THAN"?
Ikaw ay kahanga-hanga, maganda, at kamangha-mangha. 'Wag kang matakot na lumitaw ang iyong liwanag para naman makita ng lahat. Itigil mo na ang pagiging tupa at sunud-sunuran. Tiyak na alam mo ang lahat ng kadakilaan sa loob mo. Damhin mo 'yan sa lahat ng oras. Alam mo na may lakas pang natitira sa puso mo pero hindi mo lang ginagamit, siguro natatakot ka sa mundo. Itigil mo na 'yan. Walang mali o egotistical tungkol sa pagpapakita ng tunay na kagandahan mo. Hindi gusto ng Diyos na kimkimin mo lang 'yon. May mga tao pa rin na gustong makita ang totoong IKAW. Kung marami man ang naiinggit sa 'yo, tanggalin mo sila sa buhay mo. Kung iniwan ka ng taong mahal mo, ipaubaya mo na lang sa Diyos ang lahat.
'Wag mong hayaan na lalamunin ka ng takot. Takot kang mag-isa. Marami kang insecurities, may limitasyon ka. 'Wag mong hayaan na pipigilan ka ng mga ito. May tunay na pag-ibig at makikinang na buhay na nararapat sa 'yo. At nand'on sila sa hinaharap mo. Alam mo na ang kwento ng kahapon mo, 'di ba? Bakit iniisip mo pa? 'Wag ka ng tumira d'on. Natutuhan mo ang lahat ng mga leksyon, 'di ba? Marami ka bang pinaniniwalaang kasinungalingan?
Hindi ka sapat
Hindi ka matalino
Hindi ka maganda
Hindi ka espesyal
Pero alam mo, kasinungalingan lang ang lahat ng 'yan. Walang kulang sa 'yo.
Matalino ka
Maganda ka
Kamangha-mangha ka
at espesyal ka
Nalimutan mo na ba 'yan? Lahat ng mga taong tinatrato ka na parang basura, y'ong mga taong nang-iwan sa 'yo, nais lang nilang panatilihin ka sa mababang antas katulad nila. Hindi nila gustong makita kang lumago o lumawak o maging kahanga-hanga. Nais nilang makita na malungkot ka, na mababang tao ka lang, na wala kang kabuluhan, at gusto nilang makita na puno ka ng takot. Ginagawa 'yan ng mga bullies. Pero hindi ka na ang taong 'yon. Hindi ka na nagpapaapi. Tumayo ka at ipakita mo sa kanila, ipakita mo sa buong mundo kung sino ka talaga. Ipakita mo sa buong mundo ang iyong tunay na kadakilaan, ngunit higit sa lahat, ipakita mo sa 'yong sarili ang tunay na pagmamahal. Mahalin mo ulit ang sarili mo. Mahalin mo ang iyong sitwasyon. Mahalin mo ang iyong sarili nang higit sa anumang bagay sa mundo. Kapag ginawa mo 'yan, ipinapakita mo sa mga tao kung paano ka dapat mahalin at tratuhin nila. 'Wag kang magpapaapekto sa mga nangyari. Maging mabangis. Huwag hayaan ang sinuman o anumang bagay na hahadlang sa 'yong daan. Mahalin mo ulit ang sarili mo.
Comments
Post a Comment