Masama Ba Ang Pagsusugal? By Brain Power 2177
May masama ba sa pagsusugal?
https://www.pexels.com/photo/cards-casino-chance-chip-269630/
Para sa ilan, ang pagsusugal ay simpleng libangan lang, pero para sa iba, isa itong masamang bisyo.
Para sa marami, ang pagsusugal ay katuwaan lang, basta’t legal ito. Ang ilang uri ng legal na sugal, gaya ng mga loteryang iniisponsor ng gobyerno, ay nakakalikom ng pondo para sa mga programang pampubliko.
Hindi partikular na binabanggit sa Bibliya ang pagsusugal. Pero may mga simulain dito na nagpapakita ng pangmalas ng Diyos sa pagsusugal.
Ang tunguhin ng pagsusugal—pananalo sa pagkatalo ng iba—ay salungat sa babala ng Bibliya na IWASAN ANG BAWAT URI NG KASAKIMAN (Lucas 12:15) Ang totoo, kasakiman ang nasa likod ng pagsusugal. Ang mga nagpapasugal ay nag-aalok ng malalaking jackpot, pero itinatago nila ang katotohanan na napakaliit lang ng tsansang manalo. Alam kasi nila na dahil sa pangarap na yumaman, ang mga nagsusugal ay pupusta nang malaki sa casino. Kaya sa halip na tulungang umiwas sa kasakiman, ibinubuyo ng pagsusugal ang mga tao na pangaraping magkapera nang walang kahirap-hirap.
Ang pagsusugal ay udyok ng makasariling hangarin: ang mapanalunan ang perang naipatalo ng iba. Pero hinihimok tayo ng Bibliya, sa 1 Corinto 10:24,
At ganito ang sabi ng isa sa Sampung Utos, sa Exodo 20:17,
Kapag ang isang nagsusugal ay determinadong manalo, para na rin siyang umaasa na matalo ang iba para makinabang siya.
Nagbababala rin ang Bibliya na huwag nating ituring ang suwerte bilang mahiwagang puwersa na makapagbibigay ng biyaya. Sa sinaunang Israel, may mga nawalan ng pananampalataya sa Diyos at nagsimulang MAG-AYOS NG MESA PARA SA DIYOS NG SUWERTE. Nalugod ba ang Diyos sa debosyon nila sa DIYOS NG SUWERTE? Hindi. Sinabi niya sa kanila, sa Isaias 65:12,
Totoo na sa ilang bahagi ng mundo, ginagamit ng mga gobyerno ang kinikita sa legal na pagsusugal para sa edukasyon, pagpapasulong ng ekonomiya, at iba pang programa. Pero hindi niyan mababago ang pinanggalingan ng pondong 'yon—mga gawain na lantarang nagtataguyod ng kasakiman at pagkamakasarili at ng ideya na magkamit ng mga bagay na hindi naman pinaghirapan.
Ano ang masasamang epekto ng pagsusugal?
Nagbababala ang Bibliya na “yaong mga determinadong maging mayaman ay nahuhulog sa tukso at sa silo at sa maraming hangal at nakasasakit na mga pagnanasa, na nagbubulusok sa mga tao sa pagkapuksa at pagkapahamak.” (1 Timoteo 6:9) Kasakiman ang ugat ng pagsusugal, at napakasama nito kung kaya itinala ng Bibliya ang KASAKIMAN kasama ng mga bagay na dapat nating iwasan.
Dahil ang pagsusugal ay nakapokus sa pangarap na biglang-yaman, pinasisidhi nito ang pag-ibig sa salapi—na ayon sa Bibliya ay UGAT NG LAHAT NG URI NG NAKAPIPINSALANG MGA BAGAY. Ang isang tao ay puwedeng madaig ng paghahangad ng salapi, na mauuwi sa labis na kabalisahan at pagkasira ng kaugnayan sa Diyos. Sinasabi ng Bibliya na parang SINASAKSAK ng mga nabiktima ng pag-ibig sa salapi ang kanilang sarili ng maraming kirot.
Ang kasakiman ay humahantong sa pagiging di-kontento, kung kaya ang mga tao ay hindi nasisiyahan sa kanilang katayuan sa buhay at hindi maligaya. Ito ang sabi sa Eclesiastes 5:10,
Milyon-milyong naakit magsugal ang naging sugapa rito nang maglaon. Laganap ang problemang ito. Milyon-milyon na ang adik sa pagsusugal.
Sinasabi ng isang Kawikaan, sa 20:21,
Dahil sa pagkasugapa sa pagsusugal, marami ang nabaon sa utang o nabangkarote pa nga, nawalan ng trabaho, at nasira ang kaugnayan sa mga kapamilya at kaibigan. Ang pagsunod sa mga simulain ng Bibliya ay tutulong sa isa na maiwasan ang masasamang epekto na idudulot ng pagsusugal sa kaniyang buhay at kaligayahan.
Ito ang sabi sa 1 Timoteo 6:9,
Comments
Post a Comment