Don't Lose Hope By Brain Power 2177

-

Photo by Lukas from Pexels


Kapag ramdam mo na wala ka ng pag-asa, ang hirap magpaka POSITIBO. Ganyan na talaga ang buhay. Hindi sa lahat ng oras ay maayos lang ang lahat. May mga araw na mahihirapan ka talaga. Mapapagod ka. Mawawalan ka ng ganang magpatuloy. Palagi ka na lang nabibigo. Minsan nga hindi mo maiintindihan kung anong nagawa mong mali kung bakit ikaw lang ang pinapahirapan ng panahon. Maraming tumatakbo sa isip mo. Pakiramdam mo wala kang kwenta sa mundong 'to. Pakiramdam mo nawawala ka sa tamang landas. Pakiramdam mo ang liit-liit mo sa mundong 'to. Nawawalan ka ng pag-asa. At ang mas masakit pa, walang makakaintindi sa nararamdaman mo. Nagsasawa ka ng humanap ng paraan. Minsan nagsasawa na ang mga kaibigan mo sa kakapakinig ng mga problema mong hindi mawala-wala.

Mahirap pasayahin ang sarili kung lagi na lang ganito, 'di ba? May mga tao namang gustong tumulong sa 'yo, sinubukan ka nilang intindihin. Pero bakit hindi mo pa rin maramdaman? Bakit hindi mo maintindihan ang ginawa nila? Hindi mo maintindihan kasi punong-puno ng negatibong emosyon ang puso mo. Bakit kailangan mo pa ring magpatuloy? Sabi ko nga kanina, ganito na ang buhay. Minsan masaya. Minsan malungkot. Oras lang talaga ang makakapaghilom ng lahat. Alam kong alam mo na 'yan. May oras ka pa. There is no deadline on feeling better or becoming the person you want to become. Kailangan mo lang magtiwala sa sarili mo. Kailangan mo lang magtiwala sa Diyos. Kailangan mong maniwala na ang pagsubok na dinanas mo ngayon ay siyang nagpapatatag sa 'yo at siyang humuhubog sa 'yong pagkatao.

Hindi ka pwedeng sumuko. Hindi ka pwedeng magpatalo. Buhay ka pa dahil may layunin ka pa. Oo madali lang sumuko. Pero may mga taong naniniwala pa sa 'yo. Mahal ka nila. Gusto nila na maging masaya ka. Akala mo sawang-sawa na sila sa 'yo, HINDI. Nag-aalala sila sa 'yo. Gusto nilang makita ang mga ngiti mo dahil matagal na nila 'yang hindi nakikita. Miss na miss na nila ang matamis mong ngiti. Ibalik mo ang iyong lakas, okay?

Kalimutan mo na ang nangyari dahil hindi mo naman maibabalik 'yon. 'Wag mo ng sobrang isipin ang kinabukasan mo dahil hindi mo naman 'yan makokontrol. Mahuhulma mo lang ang bukas kung nakapokus ka sa kasalukuyan. Pahalagahan mo ang mga nangyari NGAYON. Tumingin ka sa paligid mo, may mga nangyayaring ikakatuwa mo. Buksan mo ang iyong puso para makapasok naman ang positibo. Sa sandaling ito, mapagtanto mo, na sobrang swerte mo sa buhay. Dahil buhay ka pa. Tandaan mo ito palagi, MAKAKAYA mo ito.




Comments

Post a Comment

Popular posts from this blog

6 na Dahilan Kung Bakit Magagalitin ang mga Tao By Brain Power 2177

-
Image
Paano Kontrolin ang Galit? Normal lang na makadama tayo ng galit. Kaya naman may mga pagkakataon na angkop na magalit basta huwag lang sobra. Pero ang pag-uusapan natin ngayon ay tungkol sa di-makatuwirang galit, na makapipinsala sa atin at makapipinsala sa ating kapuwa sa emosyonal, pisikal, at espirituwal na paraan. May napanood akong video kahapon pero yung video ay matagal ng naka-upload sa YouTube, isang lalaki ang umorder ng sandwich sa isang fast-food na restaurant. Nagalit siya dahil parang ang tagal dumating ng order niya. Pumasok siya sa loob ng restaurant, binantaan ang isang empleado roon, itinulak ito nang malakas, at sinampal. Pagkatapos, hinablot ng galít na lalaki ang sandwich at saka umalis. Lahat tayo ay nagagalit paminsan-minsan. Natural na nadarama ng mga tao ang galit gaya rin ng pag-ibig, pag-asa, pagkabalisa, kalungkutan, at takot. Lahat ng positibo at negatibong emosyon ay nadarama natin. Kapag kontrolado natin ang galit, maipakikita natin ito sa tamang paraan a...
READ MORE

10 Dark Psychology Tricks na Epektibo sa Lahat ng Tao By Brain Power 2177

-
Image
10 Dark Psychology Tricks na Epektibo sa Lahat ng Tao May mga tao bang parang laging nakakakuha ng gusto nila… kahit hindi sila nagsusumikap? Parang ang dali nilang makuha ang ‘oo’ mo, kahit hindi mo talaga gustong pumayag? Baka iniisip mong ‘mabait lang sila’... pero paano kung sabihin ko sa'yo — baka ginagamit ka na pala nila… gamit ang dark psychology. Sa artikulo na ito, ilalantad natin ang 10 madilim pero makapangyarihang teknik sa pag-iimpluwensiya na kayang paikutin ang kahit sino… pati na ikaw. Pero hindi para gamitin, kundi para maiwasan. Dahil sa mundo ngayon, ang hindi marunong magbantay... madaling ma-manipula. Handa ka na bang makita ang mga taktika na ginagamitan ng utak, emosyon, at panlilinlang? Simulan na natin. Babala: Ang sumusunod na impormasyon ay para lamang sa layuning edukasyonal at hindi para gamitin sa panlilinlang, manipulasyon, o pananakit ng iba. Ang "dark psychology" ay tumutukoy sa mga taktika ng pag-iimpluwensiya na maaaring abusuhin kung h...
READ MORE

9 BAGAY na Dapat Mong Bitawan para Gumaan ang Buhay Mo By Brain Power 2177

-
Image
9 BAGAY na Dapat Mong Bitawan para Gumaan ang Buhay Mo Minsan hindi naman mabigat ang buhay mismo. Ang mabigat ay yung mga bagay na pilit mong binubuhat kahit matagal nang sumisira sa’yo. At habang mas marami kang pilit na hinahawakan, mas lalo kang napapagod. Baka ang kailangan mo lang, may bitawan. Narito ang 9 bagay na dapat mong bitawan para gumaan ang buhay mo. Number 1 Bitawan mo na ang galit na matagal mo nang dinadala May mga galit na akala mo matagal nang tapos pero dala-dala mo pa rin araw-araw. Tahimik lang siya minsan. Nakatago. Pero ramdam mo sa paraan ng pagsagot mo, sa bigat ng dibdib mo, sa bilis mong mapikon, at sa hirap mong magtiwala ulit sa tao. Minsan hindi mo nga namamalayan na galit ka pa pala. Akala mo okay ka na dahil matagal na nangyari. Pero kapag naaalala mo ang ginawa nila, bumabalik lahat. Yung sakit. Yung betrayal. Yung pakiramdam na parang hindi naging fair ang mundo sa’yo. At ang pinakamahirap? Habang sila parang tuloy lang ang buhay, ikaw, nakakulong k...
READ MORE